Fl-okkażjoni tat-800 sena mill-mewt ta’ San Franġisk ta’ Assisi, Pubblikazzjoni Preca ppubblikat il-ktieb Bla Sold Bla Qorq. Dan il-ktieb ilaqqagħna mal-avvenimenti prinċipali fil-ħajja ta’ San Franġisk u l-qaddisin l-oħra li ħaddnu l-ispiritwalità tiegħu. Kitba ta’ Patri Dijonisju Mintoff OFM.

Mid-Daħla tal-Ktieb:

“L-ewwel nett, naraw kemm smajna jew qrajna fuq San Franġisk. Naraw kif nistgħu niftiehmu b’mod konkret u konċiż kemm jista’ jkun, li bih inkunu nistgħu niskopru xi ħaġa ġdida u nitgħallmu minnha kull filgħodu meta nfittxu d-data tal-ġurnata. Insibu d-data u kuljum insibu xi ħaġa li tqanqalna dejjem biex, bi ftit kliem sempliċi, niftakru x’ġara sewwasew bħal dakinhar, anke jekk inkunu nafuh bl-amment.
Kull darba hemm dettall żgħir jew kbir, jew aspett ġdid li jinfed il-qalb. Mingħajr ma nkunu nafu, nibqgħu ngħixu l-ħajja fi spirtu Franġiskan bi profondità kbira, ispirati mill-faqar u mit-tjubija ta’ San Franġisk.”